Archiv für 8. Juli 2012

Am See

Am See
låss i Gedånkn lafn
weit ausi üban Wellnschlåg
im Glitzern flåcher Sunnenstråhln
warmt mi die Welt
warmt mi der Tåg 

Am See
sitz i und schau und los
i hear ’s, då taucht a Ruada ein
a Krah suacht üba mir ihrn Weg
Weit is da Himml
blob und rein! 

am Sygergut-See im Glantal in Kärnten

Am See
tram i und gschpia an Friedn
Weit wek is Welt und laute Zeit
Dås Wåssa pleapat mitn Wind
dazählt von Liab
dazählt von Freid!

 

© Ilse Storfer-Schmied
aus dem Manuskript “Da Mirznbock”
(dieses Büchlein für alle Freunde von Mundart-Gedichten ist in Arbeit und wird demnächst erscheinen)