Archiv für 6. Dezember 2014

Jeds Jåhr kimmt da Advent

1AdventJeds Jåhr kimmt da Advent
Jeds Jåhr kimmt de Zeit
in der a jeda ruhig werd
und jeda schimpft amål
üba Håst und Plåg
vom gånzn Jåhr

Hiaz is die Zeit zan Åtnziachn
Hiaz fållt an a da Nåchbår wieda ein
Ja, jå –
wånn da Weihnåchtsrumml vabei is
nåcha werma a bißl zsåmmruckn
nåcha håma wirklich Zeit
amål a weani afn Åndan zan denkn!

War jå wuhl lång schon recht gwesn
Oba wißts eh wias is –
dås Lebm valångts
dåß ma sich einisteigat
dåß ma da Erste is
und was dårstellt
und jå net zrucksteckt

Oba heia
heia wer i ma die Zeit nehman
nåchn Weihnåchtsrumml
heia bestimmt!

Wiaviel Jåhr håst du dir dås schon eingredt?
Oba heia bestimmt!

 

© 2014, Prof. Ilse Storfer-Schmied
aus: Ilse Storfer, A weiße Rosn, Ploetz, Wolfsberg, 1987