Archiv für 6. Dezember 2016

Siegst du den Stern?

Siegst du den Sternseite-53
der fia uns glånzt
in dera wundadunklen Nåcht
wo jeda Wunsch und jeds Getua
valaft vur dera bsundan Pråcht

Ka Wind blåst her
es is gånz still
åls ob die Welt tat hintahåbm
Des Lebm und des bunte Treibm
werd untan liachtn Glånz vagråbm

Siegst du den Stern
so liacht und schean
gånz ruhig werd dei roglats Gmiat
Durt üban Ståll im groaßn Bam
klingg hiaz a siaßes Englsliad

Der Stern bleibb då
und leichtet still
in dera wundadunklen Nåcht
und jeda Wunsch und jeds Getua
valaft vur dera bsundan Pråcht!

© 2016 Prof. Ilse Storfer-Schmied
aus: Ilse Storfer, Die Wintasunn, Verlag Ploder, Friesach, 2015