Archiv für 23. Dezember 2017

Kimmp heitzatågs noch ana?

Kimmp heitzatågs noch anaGB 284 - Kopie
der uns an Friedn bringg?
Tat irgendwer bamirkn
wånn då wer Herberg nimmp?

Is heitzatågs a wo a Ståll
åls Unterkunft bereit?
Is heit net går ban gånzn Volk
lei Ångst daham und Neid?

Tat heitzatågs noch ana gschpian?
An Engl riafn hearn?
Die Welt is laut und umatum
so liacht und wultan schean!

Wås braucht die Welt in dera Zeit
auf des sie wårtn måg?
So dåss Advent an Sinn damåcht
a in de gschaftign Tåg!

A weani Ruah und Hintadrahn
Vagessn auf dås Gneat!
So dåss ba dir und deini Leit
a scheani Weihnåcht werd!

 

©2017 Prof Ilse Storfer-Schmied
aus: Ilse Storfer, Die Wintasunn, Verlag Ploder, Friesach, 2015

Frohes Fest und guten Start ins Neue Jahr!

Weihnachtsgrüße 2017