Die Wintasunn

IMG__20151017_0001

Die Wintasunn is heit vabrunn
brinnroat am Himml hintan Brunn
I tråg mein Tram ins weiße Lånd
und hålt die Wünsch gånz gleim beinånd

Die Wintasunn bringt mir den Schein
brinnroat farbts mia mei Lebm ein
Dås stille Lånd is wundaliacht
so dåss ka Mensch des Lebm fiacht

Die Wintasunn trågg meine Tram
durchs weiße Lånd und bring ma ’s ham
Jeds hårte Wort is hiaz vastummt
wånn roat der Schein vom Himml kummt

 

© 2015, Prof. Ilse Storfer-Schmied
aus: Ilse Storfer, Die Wintasunn, Verlag Ploder, Friesach, 2015

Kommentare sind geschlossen.