Um Johannis!

Kopie von Rosenrot’s is a bsundre Zeit
wenn ålls wåxt und reift
Gach a stille Sehnsucht
nåch dein Herzn greift!
Folgt dem lången Tåg
heint de kurze Nåcht –
gschpiast, dåss a fia di
wo a Herzle låcht!

Brinnt a liachtes Feia
hoachauf drin in dir
Bist kan ålta Åst nit
noch nit  morsch und dürr!
Fliagn Johanniswürmlan
durch die liachte Nåcht
und die Feiafunkn
håmb di rogla gmåcht!

Låss die åndan ferdln        (ferdln = nerven, sticheln)
stänkan oda låchn
’s werd jå doch an iada
de Erfåhrung måchn:
A in reifn Jåhrn is nit ålls vabei!
Gschpiast’n Johannistrieb
bist du fåst wia nei!
Speanzlst wia a Junga
auf jed’s Miadal hin –
und a Feia lodat
hiaz in deina drin!

© 2014, Prof. Ilse Storfer-Schmied

Kommentare sind geschlossen.